ஏகாந்தம்
பொருள்
ஏகாந்தம்(பெ)
- தனிமை
- ஒருவரும் இல்லாத இடம்; தனித்து இருக்கும் இடம்; தனியிடம்
- இரகசியம். அவனுடன் உனக்கென்ன ஏகாந்தம்?
- நிச்சயம்
- நாடிய ஒரே பொருள்
- தகுதியானது
மொழிபெயர்ப்புகள்
ஆங்கிலம்
- solitude, loneliness, retirement, as in the practice of yoga
- solitary place
- secret
- certainty
- sole end, one only end
- that which is appropriate or fit
விளக்கம்
பயன்பாடு
- கோதாவரியை ஒட்டி ஒரு பெரிய விருந்தினர் மாளிகை. நான்கு தூண்கள் மேல் அந்தரத்தில் அமைந்தது. இரு குளிர்சாதன படுக்கையறைகள். சமையலறை. நான்கு பக்கமும் உப்பரிகைகள். ஒரு ஐந்து நட்சத்திர விடுதிக்குரிய வசதிகள். பின்பக்க உப்பரிகையில் இருந்து இதை எழுதுகிறேன். கண்ணெதிரே பிரம்மாண்டமாக விரிந்து கிடக்கிறது கோதாவரி, அப்பால் தென்னந்தோப்புகள். தனிமை. இன்னும் பொருத்தமாகச் சொன்னால் ஏகாந்தம். ஏக அந்தம். (ஓர் இடம், ஜெயமோகன்)
- சத்தம் இல்லாத தனிமை கேட்டேன், ...ஏகாந்தம் என்னோடு வாழக் கேட்டேன் (திரைப்பாடல்)
- ஏகாந்த வேளை வெட்கம் ஏனோ? வா என் பக்கம்!
(இலக்கியப் பயன்பாடு)
- இனியது கேட்கின் தனிநெடு வேலோய் இனிது இனிது ஏகாந்தம் இனிது.
- பரஹிம்ஸைக்கு ஏகாந்தமான காலத்திலே (திவ். அமலனாதி. 2, வ்யா.).
ஆதாரங்கள் ---ஏகாந்தம்--- DDSA பதிப்பு + வின்சுலோ +