கண்ட துண்டம்
சொல் பொருள்
கண்டம் – கண்டிக்கப் பெற்றது கண்டம். துண்டம் – கண்டத்தைத் துண்டிக்கப் பெற்றது துண்டாம்.
விளக்கம்
கண்டம் பெரியது; துண்டம் கண்டத்தில் சிறியது என்க.
கண்ட கோடரி என்பது கோடரியுள் ஒன்று. மரம் வெட்டுவார் கண்டி வைத்து வெட்டுதல் கண்கூடு. உப்புக் கண்டமும், நிலப்பிரிவாம் கண்டமும் அறிந்தவையாம்.
துண்டம் – துண்டிக்கப்பட்டது எனினும் இவண் கண்டித்ததைத் துண்டித்தது என்க. துண்டு, அறுவை, வேட்டி முதலியவற்றைக் கருதினால் பாவில் இருந்து அறுத்தெடுக்கப்படுதலால் பெற்ற பெயர்கள் என்பது புலனாம்.
கண்ட துண்டத்தைத் ‘துண்ட துண்டம்’ என்பார் அருணகிரியார்.