சாக்குப் போக்கு
சொல் பொருள்
சாக்கு – குற்றத்தைத் தனக்கு வாராமல் வேறொருவர் மேல் போட்டுத் தப்புதல். போக்கு – உரிய வழியை விட்டு வேறொரு வழிகாட்டி அல்லது போக்குக் காட்டித் தப்புதல்.
சொல் பொருள் விளக்கம்
சாட்சி என்பதைச் ‘சாக்கி’ என்பதும் சாட்சி சொல்பவனைச் ‘சாக்கி’என்பதும் இன்றும் நடைமுறையில் உள்ளவை; சாட்டு என்பது சாக்கு என வருகின்றதாம். பிறரைப் பொறுப்பாளியாக்கிச் சாட்டுதல் (கூறுதல்) சாக்கு ஆயிற்றாம். சாக்கிடுதல் என்பதும் அது. போக்கு என்பது போக்குக் காட்டித் தப்புதலாம்.