நட்டுக்கு நடு

சொல் பொருள்

நட்டு – பெரும் பரப்பில் நடுவாக அமைந்த இடம். நடு – நடுவேயமைந்த இடத்தின் சரியான மையப்புள்ளி.

விளக்கம்

நடுப்பகுதி வேறு; நடுப்பகுதியின் மையம் வேறு. வட்டத்துள் வட்டம் மையம் எனினும் அதன் மையப்புள்ளி ‘நட்ட நடு’வாகும். நட்டுக்கு நடு, நடுவுக்கு நடு, நட்டநடு என்பனவெல்லாம் ஒரு பொருளனவாம். நட்டாறு என்பது நடுவாறு என்றாலும் நட்ட நடு ஆறு என்பதே சரியான நடுவாம். ‘நட்ட நடுவில் ஒரு புள்ளி வை’ என்பதற்கும் ‘நடுவில் புள்ளிவை’ என்பதற்கும் வேறுபாடு உண்டு.