நாளும் பொழுதும்

சொல் பொருள்

நாள் – இரவும் பகலும் கூடிய ஒரு நாள் பொழுது – ஒரு நாளில் திட்டப்படுத்தப்பட்ட ஒரு பொழுது.

விளக்கம்

கதிரோனைக் கொண்டு பொழுது கணக்கிடப்படும். ‘பொழுது புறப்பட்டது’ ‘பொழுது விழுந்தது’ என்பன போல வழங்கும் வழக்குகளால் பொழுது கதிராதல் விளங்கும். கதிர் உள்ள போது மூன்று பொழுதும் விழுந்த போது மூன்று பொழுதுமாக ஆறு பொழுது கூறுவர். அவற்றையும் பகுத்து நல்பொழுது அல்பொழுது எனக் கணித்துக் கூறுவர். “நாளும் பொழுதும் நலிந்தோர்க்கில்லை” என்பது தெளிவுரை. நாளும் பொழுதும் பார்க்கவே நாளும் பொழுதும் செலவிடுவோர் மிகப்பலர்.