பேச்சு:குத்துமதிப்பு

சுமாரான மதிப்பு என்று வருமா? சுமார் 500 பேர் இருந்தார்கள் என்றால் ஏறத்தாழ 500 பேர் இருந்தார்கள் என்னும் பொருள் கட்டாயம் உண்டு, ஆனால் குத்துமதிப்பு என்பது போல் சுமாரான மதிப்பு என்று கேள்விப்பட்டதில்லை. அதே போல கிட்டதட்ட என்றாலும் சற்றேறக்குறைய என்று பொருள் ஆனால் கிட்டதட்ட மதிப்பு என்று குத்துமதிப்புக்கு ஈடாகச் சொல்வதில்லை. அண்ணளவு என்றாலும் approximately ஆனால் அண், அண்மை என்பது போல் நெருக்கமான ஆனால் சற்றேறக்குறைய (இங்கும் சற்று என்னும் சொல்லை நோக்குக) என்னும் பொருள் தருவது. மிகவும் அண்ணளவு என்றால் தவறான பொருள் வந்துவிடும் (மிகவும் நெருங்கிய துல்லியம் கொண்டது என்று பொருள் பட்டுவிடும்!! குத்துமதிப்பு இதல்ல). ஆகவே மிகவும் துல்லியமில்லாத அண்ணளவு என்பது போல சொல்ல வேண்டும். ஆனால் தமிங்கிலர்கள் அப்ராக்சி⁷மேட்டா அப்படீன்னு சொல்வார்கள் - இத்தனை சொற்கள் இருந்தபோதும். அண்ணளவு, கிட்டதட்ட, ஏறத்தாழ, ஏறக்குறைய, ஏறவிறங்க என்று பல சொற்கள் உள்ளன. இன்னும்கூட உண்டு! (அடுத்தல், துன்னுதல், துன்றுதல், அண்ணுதல், அணுக்குதல் என்றால் approximate என்னும் வினைப்பொருள் தரும்.)--செல்வா 14:20, 31 ஜூலை 2010 (UTC)