பொய் புளுகு

சொல் பொருள்

பொய் – உண்மை அல்லது உள்ளீடு இல்லாததை உள்ளது போல் கூறுதல். புளுகு – பொய்யை ஒட்டிப் புனைந்து கூறுதல்.

விளக்கம்

பொய் கூறுவதும் அதனைப் பொருத்திக் காட்டுவதற்குப் புளுகுவதும் வழக்கம்.

“ஒட்டி அடிடா உள்ளூர்க் கோடங்கி, அணைத்துப் புளுகுடா அயலூர் கோடங்கி”

என்பது பொய் புளுகை வெளிப்படுத்தும். கோடாங்கி – குறிகூறுபவன். சில குறிப்புகளை மனத்தில் தாங்கி இவற்றை இப்படிக் கூறுவேன் எனக்கொண்டு கூறுபவன் ஆகலின் அவன் ‘கோள் தாங்கி’ (கோடாங்கி) எனப்பட்டான். ஓரிடத்துச் செய்தியை ஓரிடத்துக்கொண்டு கூறுதல் ‘கோள்’ எனப்படுவதை எண்ணுக.