மைந்தன்

தமிழ்

மைந்தன்:
என்றால் இளைஞன்

மைந்தன்:
என்றால் ஆண்மகன்

மைந்தன்:
என்றால் வீரன் (போர்வீரன்)

(கோப்பு)

பொருள்

• மைந்தன், பெயர்ச்சொல்.

1. மகன் (பிங். )

   (எ. கா.) குலக்கோ மைந்தர் தமக்கும் (கம்பரா. மந்தரை. 76).

2. இளைஞன் (பிங். )

   (எ. கா.) மைந்த . . . நீ யிதற் கென்னை வெகுண்டது (கம்பரா. நகர்நீங். 134).

3. விலங்கு ஊர்வனவற்றின் குட்டி

   (எ. கா.) அரவமூத்த மைந்தன் (பரிபா. 19, 73).

4. மாணாக்கன்

   (எ. கா.) அளவிலா மைந்தர்க் கூட்டி (திருவாலவா. 35, 4).

5. ஆண்மகன் (பிங். )
6. திண்ணியன் (சூடாமணி நிகண்டு)
7. வீரன்

   (எ. கா.) தொடுகழன் மைந்தர் தொழில் (பு. வெ. 3, 6).

8. கணவன்

   (எ. கா.) மைந்த ரகலத்தகலா . . . நன் னர்ப் புணர்ச்சியும் (பரிபா. 8, 43).

விளக்கம்

• மைந்தன் என்பது மகன் என்ற பொருளைத்தரும்.மைந்தன் என்றால் பலம் மிக்கவன்/வலு உள்ளவன், திண்ணியன் என்று பொருள்... தமிழ் இலக்கியமான

புறப்பொருள் வெண்பாவில்

"பைந்தொடி மேல்உலகம் எய்தப் படர்உழந்த மைந்தன் குரிசில் மழைவள்ளல் - எந்தை தபுதாரத்து ஆழ்ந்த தனிநிலைமை கேளாச் செவிடாய் ஒழிக என் செவி"

என்னும் பாடலில் மைந்தன் என்னும் சொல் வந்துள்ளது, இதில் மைந்தன் என்னும் சொல் ஆடவர் அல்லது கணவர் என்பதை குறிக்கின்றது.. மைந்தன் என்பது ஆண்மகனைக் குறிக்கும்,மகன் என்பதற்கு மகள் என்று பெண்பால் சொல் உள்ளதைப்போல், மைந்தனுக்கு பெண்பால் சொல் கிடையாது,...மைந்தன் என்றால் தன் பெற்றோர் மட்டுமன்றி உறவினர், ஆசான், சுற்றத்தார் குடும்பங்களையும் பெற்றோருக்கு நிகராக நடத்துபவன் என்று பொருள்...இதுமட்டுமல்லாது மேற்கண்டவாறு பற்பல அர்த்தங்களையுமுடையச் சொல் மைந்தன்.

மொழிபெயர்ப்புகள்

• ஆங்கிலம்

1. son
2. young man
3. young of an animal or reptile
4. disciple, pupil
5. man
6. strong, powerful man
7. warrior, hero
8. husband

( மொழிகள் )

சான்றுகள் ---தமிழ்ப்பேரகரமுதலி நூல்கள் (1924–39) + DDSA பதிப்பு + வின்சுலோ + அகரமுதலி + தமிழ் தமிழ் அகராதி + நா. கதிர்வேல்பிள்ளை + வாணி தொகுப்பகராதி + பாண்டியராசாவின் சங்க இலக்கியத் தொடரடைவு +