ஆலாபனை
ஆலாபனை (பெ)
- ஆலாபனை என்பது ஓர் இராகத்தை, அதன் உயிர்நாடியான வடிவத்தையும், அதன் ஆழ அகலங்களையும், கேட்போர் உணர்ந்து ஆழ்ந்து துய்க்குமாறு, ஓர் இசைக்கலைஞர் மொழிச் சொற்களாலோ, சுரப்பெயர்களாகிய ச, ரி, க முதலானவற்றாலோ அல்லாமல், அகர,இகரம் போன்ற உயிரொலிகளாலும், மகர, நகர மெய், உயிர்மெய் முதலான ஒலிகளாலும் பிறவற்றாலும் இசைத்து நிகழ்த்துவது. ஆலாபனை, பெரும்பாலும் பாடல் தொடங்கும் முன் அப்பாடல் அமைந்துள்ள இராகத்தில் அமைந்திருக்கும்; பண் விரிவாக்கம்; ஆளத்தி
- இராக சுவரங்களை ச, ரி, க என்று சொல்லாக்காமால், ஆ, உம், நும் - என்பதுபோல சப்தங்களாகத் தொடராக கற்பனைத்திறனுக்கேற்ப படிப்படியாக பாடுவது
- ஒரு இராகத்தின் வடிவத்தை வார்த்தைகளின்றி, தாளமின்றியே அதை உணருமாறு விரிவாக இசைத்தல்
- வார்த்தைகள் அற்று ஒலியை ஏற்ற இறக்கத்துடன் இசைத்தல்
மொழிபெயர்ப்புகள்
ஆங்கிலம்
விளக்கம்
பயன்பாடு
- ஆலாபனை என்றால் ராக ஸ்வரங்களை ஸ, ரி, க என்று சொல்லாக்காமால், ஆ, உம், நும் - என்பதுபோல சப்தங்களாகத் தொடராக கற்பனைத்திறனுக்கேற்ப படிப்படியாக பாடுவது. ஒவ்வொரு ராகத்திற்கும் சிறப்பு ஸ்வரக்கோர்வைகள் (பிடிகள்), கமகங்கள், கார்வைகள் இருக்கின்றன. அவற்றையும் ஆலாபனையில் வெளிப்படுத்தவேண்டும்(ராகம் தானம் பல்லவி – பாகம் இரண்டு, சொல்வனம்)
- நம் இசை பண்ணிசை - பண் விரிவாக்கம் என்ற ஆளத்தி முறை (ஆலாபனை) நம் இசையின் தனிச்சிறப்பு ( பண்பாடும் பண்பாடு, நா. மம்மது, கீற்று)
- கர்நாடக இசையின் வெளிப்பாட்டு முறைகளாக ராக ஆலாபனை, நிரவல், கல்பனாஸ்வரம், தானம், பல்லவி, துக்கடா மங்களம் என பகுதிகள் அமையப்பெற்றுள்ளன ( திண்ணை)
(இலக்கியப் பயன்பாடு)
(இலக்கணப் பயன்பாடு)
ஆதாரங்கள் ---ஆலாபனை---
:இராகம் - தானம் - பல்லவி - நிரவல் - கருநாடக இசை