ஊண்

ஊண் (பெ)

• உண்கை; உண்ணுதல்

1. உணவு
2. ஆன்மாவின் சுகதுக்கானுபவம்

மொழிபெயர்ப்புகள்

ஆங்கிலம்

1. eating
2. food
3. experience of joys and sorrows by the soul, as the inevitable fruits of karma

விளக்கம்

பயன்பாடு

• ஊணன் - மிக உண்போன் - glutton
• "மறுபடியும் ஊண் உறக்கம் இல்லாமல் உடல்நலத்தைக் கெடுத்துக் கொள்ளப் போறீங்களா?" (தொடுவானம் தொட்டுவிடும் தூரம், தமிழாக்கம் கௌரிகிருபானந்தன்)
• ஊண் உறக்கம் மறந்தாள்.. தன் நலம் காக்க தவறினாள்.. தன் வயிற்றில் பூத்த உயிருக்காக தன் உயிரை விருப்பமாய் பணயம் வைத்தாள். ([அம்மாவென்ற ஒரு குரலுக்காய், மஞ்சுபாஷிணி])
• ஊண் பொங்கும் நேரத்தில் உலைப்பானை கவிழ்ந்தது போலாகி (ஊரின் பெருமை உணர்த்தினாள் ஒருத்தி!, கலைஞர் கருணாநிதி)
• ஊண் அற்றபோது உடல் அற்றது (பழமொழி)
• ஊண் மிக விரும்பு (புதிய ஆத்திசூடி, பாரதியார்)
• இனி இந்த ஊண் உயிர் நினைவில்லை

தடையில்லை சாவிலுமே உன்னோடு வர

கண்கள் இரண்டால் உன் கண்கள் இரண்டால் (திரைப்பாடல்)

(இலக்கியப் பயன்பாடு)

• பாத்தூண் மரீஇயவனை (குறள், 227)
• உடைசெல்வமூணொளிகல்வி (குறள், 939)
• ஊணொழியா துன்னின் (சிவப்பிர. 19)
• தொழுது ஊண் சுவையின் உழுது ஊண் இனிது (கொன்றை வேந்தன், ஔவையார்)

(இலக்கணப் பயன்பாடு)

ஆதாரங்கள் ---ஊண்--- DDSA பதிப்பு + வின்சுலோ +

சொல் வளப்பகுதி

 :உணவு - உண்ணு - # - # - #