விக்சனரி:தினம் ஒரு சொல்/பரண்/2011/ஏப்ரல்

நாள்: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

{{wotd | சொல் | p.o.s | விளக்கம்| மாதம் | நாள் }}

{{wotd | சொல் | p.o.s | விளக்கம்| மாதம் | நாள் | audio=En-uk-{{subst:PAGENAME}}.ogg }}

When the words for a given month have all been replaced (or whatever) then subst: the sub-templates in on this page. That will preserve this month's archive, leaving the entries in the "Recycled" monthly pages to be (optionally) reused next year.

1

தொகு, புதுப்பி தினம் ஒரு சொல்   - ஏப்ரல் 1

திருகுதாளம் (பெ)

1.1 பொருள் பேச்சு, செயல் முதலியவைகளில் புரட்டு; மாறாட்டம்; பித்தலாட்டம் 1.2 மொழிபெயர்ப்பு (ஆங்கிலம்) artifice, trick, chicanery 1.3 பயன்பாடு எப்படி தரக்குறைவான சரக்குகளை வாங்கி, வாயினிக்கப்பேசி, வாடிக்கையாளர்கள் தலையில் கட்டுவதென்ற அனுபவம் – தில்லு முல்லு! திருகுதாளம்! ஏனென்றால் காசிம்பாயின் வியாபார தர்மமே அதுதான். ([1]) படிப்பது தேவாரம்! இடிப்பது சிவன் கோயில்!!ஆனந்தசங்கரிக்கு ஏனிந்த திருகுதாளம்? ([2]) 1.4 சொல்வளம் புரட்டு, வஞ்சகம், இரண்டகம், சூது, தில்லுமுல்லு, பித்தலாட்டம் .

தினம் ஒரு சொல் பற்றி • பரண் • சொல் ஒன்றை முன்மொழிக

2

தொகு, புதுப்பி தினம் ஒரு சொல்   - ஏப்ரல் 2

தூண்டில் (பெ)

தூண்டில். 1-கோல், 2,4-இழை, 3-தக்கை, 5. முள் 1.1 பொருள் (பெ) ஒரு நுனியில் கொக்கி வடிவ முள்ளும் நடுவில் தக்கையும் கொண்ட உறுதியான இழை இணைக்கப்பட்ட நீண்ட மீன்பிடி கோல் மீன்பிடி கோலின் இழை நுனியில் உள்ள கொக்கி முள் 1.2 மொழிபெயர்ப்பு (ஆங்கிலம்) fishing rod fish hook, fishhook, fishing tackle 1.3 பயன்பாடு தூண்டிற் புழுவினை போல் வெளியே சுடர் விளக்கினை போல் நீண்ட பொழுதாக என் நெஞ்சம் துடித்ததடி (பாரதியார்) காத்திருக்கேன் மீனே தூண்டில் இட நானே! (திரைப்பாடல்) 1.4 சொல்வளம் மீன், புழு, வலை, தக்கை, தூண்டு, தூண்டுகோல் .

தினம் ஒரு சொல் பற்றி • பரண் • சொல் ஒன்றை முன்மொழிக

3

தொகு, புதுப்பி தினம் ஒரு சொல்   - ஏப்ரல் 3

caltrop (பெ)

வியட்நாம் போரில் பயன்படுத்தப்பட்ட இரும்பு முள் 1.1 பொருள் இரும்பு முள் ஒரு வகை ஆயுதம் 1.2 விளக்கம் இவ்வகை இரும்பு முற்கள், பொர்க்களத்திலோ அல்லது பாதுகாக்கப்பட வேண்டிய பகுதியிலோ தரையில் தூவிவிடப்படும். இதை கவனிக்காமல் நடப்பவர் பாதங்களை கிழித்து காயப்படுத்தும். 1.3 பயன்பாடு The Germans planted caltrops all along the western coast of France to deter the allied invasion .

தினம் ஒரு சொல் பற்றி • பரண் • சொல் ஒன்றை முன்மொழிக

4

தொகு, புதுப்பி தினம் ஒரு சொல்   - ஏப்ரல் 4

ஓங்காரம் (பெ)

ஓங்காரம் 1.1 பொருள் (பெ) ஓம் எனும் மந்திரம்; பிரணவம் பலத்த ஒலி/ஓசை, பேரிரைச்சல் 1.2 மொழிபெயர்ப்பு (ஆங்கிலம்) Om, the mystic syllable loud noise 1.3 பயன்பாடு வண்டுகள் ரீங்காரம், ஆடிக்காற்றின் ஆங்காரம் உள்ளுக்குள் ஓயாமல் ஒலிக்கும் ஓங்காரம் (எல்லாம் ஆன இசை, ஜடாயு, திண்ணை) 1.4 சொல்வளம் ரீங்காரம், ஆங்காரம், ஓலம், ஓசை, ஆரவாரம் .

தினம் ஒரு சொல் பற்றி • பரண் • சொல் ஒன்றை முன்மொழிக

5

தொகு, புதுப்பி தினம் ஒரு சொல்   - ஏப்ரல் 5

ஒருக்களி (வி)

ஒருக்களித்து வைத்த கட்டில் 1.1 பொருள் (வி) ஒருபக்கமாய்ச் சாய்; பக்கவாட்டில் திரும்பியிரு ஒருச்சரி; சற்றுக் கோணலாக அல்லது பக்கவாட்டில் சாய்த்து வை கொஞ்சம் திற/திறந்திரு 1.2 மொழிபெயர்ப்பு (ஆங்கிலம்) lie on one side set slantingly; put sidewise leave ajar, as a door 1.3 பயன்பாடு கைமீது தலை வைத்து ஒருக்களித்து சிறிது நேரம் படுத்திருந்தான். (மோந்தோ, தமிழில் நாகரத்தினம் கிருஷ்ணா) ஒருக்களித்து இருந்த கதவை மெல்லத் திறந்தான். (சிலந்தி, மதியழகன் சுப்பையா) 1.4 சொல்வளம் ஒருக்கணி, ஒருச்சரி, சாய் .

தினம் ஒரு சொல் பற்றி • பரண் • சொல் ஒன்றை முன்மொழிக

6

தொகு, புதுப்பி தினம் ஒரு சொல்   - ஏப்ரல் 6

வாராவதி (பெ)

ஒரு வாராவதி - நெதர்லாந்து 1.1 பொருள் (பெ) பாலம் 1.2 மொழிபெயர்ப்பு (ஆங்கிலம்) bridge 1.3 விளக்கம் வார் - water, வதி - way. நீர் மேல் அமைந்த வழி. போக்குவரத்துக்காக ஆற்றின் இரு கரைகள், பள்ளத்தாக்கின் இரு புறங்கள் முதலியவற்றை இணைத்துக் கட்டப்படும் வழி அல்லது பாதை 1.4 பயன்பாடு ஆங்கிலேயர் ஒருவர் பெயரால் சென்னையில் ஆமில்ட்டன் வாராவதி எனும் பாலம் ஒன்றுண்டு; அது நாளடைவில் மக்கள் நாவில் அம்பட்டன் வாராவதியாகி அதிலிருந்து Barber’s Bridge என்று ஆங்கிலச் சொல் உருப்பெற்றது! (மொழி, குமரிமைந்தன், திண்ணை) 1.5 சொல்வளம் வார், வதி, வாரி, பாலம், மேம்பாலம் .

தினம் ஒரு சொல் பற்றி • பரண் • சொல் ஒன்றை முன்மொழிக

7

தொகு, புதுப்பி தினம் ஒரு சொல்   - ஏப்ரல் 7

கோமான் (பெ)

ஒரு பிரபு 1.1 பொருள் (பெ) மன்னன், கோ பிரபு; பெருமையில் சிறந்தவன் குரு மூத்தோன் 1.2 மொழிபெயர்ப்பு (ஆங்கிலம்) king person of eminence, lord spiritual preceptor elder 1.3 விளக்கம் கோ எனில் மன்னன். கோமான் எனில் மன்னன், மன்னனைப் போன்ற பெருமை, தலைமை இயல்பு கொண்டவன். 1.4 பயன்பாடு அதே கூட்டத்தில் பொதுமக்கள் சார்பில் "கொத்தடிமை மீட்ட கோமான்" என்ற பட்டம் முத்தரசுக்கு வழங்கப்பட்டது (கொத்தடிமைகள், நா. பார்த்தசாரதி) கன்னி இவள் தந்தை ஒரு சீமான், கப்பலிலே பங்கு பெறும் கோமான் (பாடல்) வத்தவர் கோமான் வயவர் திரிதர (பெருங். உஞ்சைக். 44, 93) 1.5 சொல்வளம் கோ, கோமாட்டி, சீமான், சீமாட்டி, அரசன் .

தினம் ஒரு சொல் பற்றி • பரண் • சொல் ஒன்றை முன்மொழிக

8

தொகு, புதுப்பி தினம் ஒரு சொல்   - ஏப்ரல் 8

தள்ளுவண்டி (பெ)

தள்ளுவண்டி 1.1 பொருள் (பெ) கையால் தள்ளிச் செல்லப்படும் சிறு வண்டி 1.2 மொழிபெயர்ப்பு (ஆங்கிலம்) trolley, pushcart, shopping cart, wheelbarrow, perambulator 1.3 விளக்கம் தள்ளுவண்டி - தள்ளும் வண்டி பெரும்பாலும் பொருட்களை எடுத்துச் செல்ல, அல்லது குழந்தை, முதியோர் முதலியோரை அமர்த்தி நகர்த்த எனத் தள்ளுவண்டிகளில் பலவகை உண்டு. 1.4 பயன்பாடு சென்னை நகரில் காய்கனிகளைத் தெருத்தெருவாகக் கூவி விற்க தள்ளுவண்டி வியாபாரிகளும் வீடுவீடாகக் கூடையில் சுமந்து சென்று விற்க பெண்களும் ஆயிரக்கணக்கான பேர் இருக்கிறார்கள். (சில்லறை வணிகமும், சில்லறைத் தனங்களும், அ.முத்துக்கிருஷ்ணன் ) 1.5 சொல்வளம் வண்டி, நடைவண்டி, மாட்டுவண்டி, குதிரைவண்டி .

தினம் ஒரு சொல் பற்றி • பரண் • சொல் ஒன்றை முன்மொழிக

9

தொகு, புதுப்பி தினம் ஒரு சொல்   - ஏப்ரல் 9

பொம்மலாட்டம் (பெ)

1.1 பொருள் (பெ) பாவைக்கூத்து, பொம்மைகளை வைத்து போடப்படும் நாடகம் 1.2 மொழிபெயர்ப்பு (ஆங்கிலம்) puppet show, puppetry ஆங்கிலம் 1.3 விளக்கம் பொம்மைகளை (கைப்பாவைகளை) கையினாலோ அல்லது கயிறுகளாலோ அசைத்து கதை சொல்லும் கலை 1.4 பயன்பாடு மரத்தால் ஆகிய பொம்மைகளைக் கையில் பிடித்து இப்படியும் அப்படியும் நகர்த்துவர்; எதிரெதிராக இரு பொம்மைகளை மோதச் செய்வர்; இரண்டையும் அன்புடன் நெருங்கச் செய்வர்; ஆரவாரத்துடன் குதிக்கச் செய்வர். இவ்வாறு பல வகைகளில் பொம்மை விளையாட்டை முதலில் காட்டினார்கள். இது பொம்மலாட்டம் அல்லது மரப்பாவைக் கூத்து எனப் பெயர் பெற்றது. ([3]) .

தினம் ஒரு சொல் பற்றி • பரண் • சொல் ஒன்றை முன்மொழிக

10

தொகு, புதுப்பி தினம் ஒரு சொல்   - ஏப்ரல் 10

மத்தாப்பு (பெ)

மத்தாப்பு 1.1 பொருள் (பெ) கொழுத்தினால் வண்ணச் சுடர் விடும் தீக்குச்சி வடிவப் பட்டாசு 1.2 மொழிபெயர்ப்பு (ஆங்கிலம்) colorful sparkler shaped like a long matchstick sparkler 1.3 பயன்பாடு விடுகதை: இடி இடிக்கும், மின்னல் மின்னும், மழை பெய்யாது- அது என்ன? (விடை: வெடி, மத்தாப்பு) சித்தாடை கட்டிக்கிட்டு சிங்காரம் பண்ணிக்கிட்டு மத்தாப்புச் சுந்தரி ஒருத்தி மயிலாக வந்தாளாம் (திரைப்பாடல்) 1.4 சொல்வளம் வெடி, பட்டாசு, வாணம், புஸ்வாணம், சங்கு சக்கரம் .

தினம் ஒரு சொல் பற்றி • பரண் • சொல் ஒன்றை முன்மொழிக

11

தொகு, புதுப்பி தினம் ஒரு சொல்   - ஏப்ரல் 11

vox populi (பெ)

1.1 பொருள் மக்கள் குரல்; பொதுமக்களின் ஒருமித்த கருத்து 1.2 பயன்பாடு vox populi, vox dei - மக்கள் குரலே மகேசன் குரல் 1.3 சொல்வளம் vox dei, public opinion, vox pop, unison, popular sentiment, popular opinion .

தினம் ஒரு சொல் பற்றி • பரண் • சொல் ஒன்றை முன்மொழிக

12

தொகு, புதுப்பி தினம் ஒரு சொல்   - ஏப்ரல் 12

தீக்குச்சி (பெ)

எரியும் தீக்குச்சி 1.1 பொருள் (பெ) நுனியில் எளிதில் தீப்பற்றும் வேதிப்பொருள்கள் கொண்ட, உரசினால் பற்றும், 3-4 செ.மீ நீளம் கொண்ட மெல்லிய குச்சி 1.2 மொழிபெயர்ப்பு (ஆங்கிலம்) matchstick 1.3 விளக்கம் தமிழ் விக்கிப்பீடியாவில் தீக்குச்சி கட்டுரையைப் பார்க்கவும். 1.4 பயன்பாடு ஈர்க்குச்சி என்று நம்மை என்னும் பேர்க்கு தீக்குச்சி என்று சொல்லி உரசிக்காட்டு!(திரைப்பாடல்) சின்ன சின்ன தீக்குச்சிகள் சேர்ப்போம், தீ வளர்த்து பார்ப்போம் (திரைப்பாடல்) 1.5 சொல்வளம் தீப்பெட்டி, தீ, நெருப்புக்குச்சி, சிக்கிமுக்கி .

தினம் ஒரு சொல் பற்றி • பரண் • சொல் ஒன்றை முன்மொழிக

13

தொகு, புதுப்பி தினம் ஒரு சொல்   - ஏப்ரல் 13

தொத்தா (பெ)

1.1 பொருள் (பெ) தாயின் தங்கை; சித்தி, சிற்றன்னை 1.2 மொழிபெயர்ப்பு (ஆங்கிலம்) mother's younger sister 1.3 விளக்கம் 1.4 பயன்பாடு அண்ணாவை வளர்த்து ஆளாக்கும் பொறுப்பை, அவருடைய சிற்றன்னை ராஜாமணி அம்மாள் ஏற்றார். அவரை அண்ணா "தொத்தா" என்று அன்புடன் அழைப்பார். (மாலைமலர், 5 ஏப்ரல் 2011) 1.5 சொல்வளம் சித்தி, சிற்றன்னை, பெரியம்மா, சிற்றப்பா, தாத்தா .

தினம் ஒரு சொல் பற்றி • பரண் • சொல் ஒன்றை முன்மொழிக

14

தொகு, புதுப்பி தினம் ஒரு சொல்   - ஏப்ரல் 14

சித்திரைக்கனி (பெ)

சித்திரைக்கனி - கனிகாணல் சீர்வரிசை 1.1 பொருள் (பெ) தமிழ் ஆண்டுப் பிறப்பான சித்திரைத் திங்கள் முதலாம் நாள் 1.2 மொழிபெயர்ப்பு (ஆங்கிலம்) Tamil new year's day; the first day of the month of Chithirai 1.3 விளக்கம் வருடப் பிறப்புக்கு முதல் நாள் இரவு, பூஜையறையில் கனி வர்க்கங்கள், காய்கறிகள், பணக் குவியல்கள், நகைகள் என்று அலங்காரமாக வரிசைப்படுத்தி வைத்து விடிய விடிய விளக்குகளை எரியச் செய்வர். வருடப் பிறப்பு அன்று அதிகாலை குடும்பத்தினர் எழுந்து, கண்களைத் திறக்காமல் பூஜை அறைக்குச் சென்று, முதல் நாள் வைத்த சீர்வரிசை போன்ற கனி வர்க்கங்களையும் நகைகளையும் பார்த்தபின் வணங்கிச் செல்வார்கள். (நக்கீரன், 1 ஏப் 2010) 1.4 பயன்பாடு 1.5 சொல்வளம் புத்தாண்டு, சித்திரை .

தினம் ஒரு சொல் பற்றி • பரண் • சொல் ஒன்றை முன்மொழிக

15

தொகு, புதுப்பி தினம் ஒரு சொல்   - ஏப்ரல் 15

நல்லாட்சி (பெ)

1.1 பொருள் (பெ) மக்கள் நலன் பேணும்நல்ல அரசு 1.2 மொழிபெயர்ப்பு (ஆங்கிலம்) good government 1.3 விளக்கம் நல்லாட்சி - நல்ல ஆட்சி 1.4 பயன்பாடு மக்களாட்சி முறை வாக்குச் சீட்டின் மூலம் மாற்றத்தை ஏற்படுத்தும் வாய்ப்பை வாக்காளர்களுக்கு வழங்குகிறது. நல்லவர்களைத் தேர்ந்தெடுத்தால் நல்லாட்சி.(தினமணி) நாட்டில் அன்னிய ஆட்சி அகற்றப்பட்டாலும், நல்லாட்சி நிறுவப்பட்டால்தான் மக்கள் நல்வாழ்வடைவர் (நாடோடிமன்னன் திரைக்கதை பற்றி) எல்லோர்க்கும் இன்பங்கள் எழிலாய் இறைஞ்சி என்றும் நல்லாட்சி செய்திடும் நாயகியே (கற்பகவல்லி நின் பொற்பதங்கள் பிடித்தேன் - பாடல்) 1.5 சொல்வளம் மக்களாட்சி, குடியாட்சி, முடியாட்சி, உள்ளாட்சி, தன்னாட்சி .

தினம் ஒரு சொல் பற்றி • பரண் • சொல் ஒன்றை முன்மொழிக

16

தொகு, புதுப்பி தினம் ஒரு சொல்   - ஏப்ரல் 16

முகமலர்ச்சி (பெ)

முகமலர்ச்சியுடன் ஒரு பெண்மணி 1.1 பொருள் (பெ) முகத்தில் மகிழ்ச்சி; மகிழ்ச்சியான தோற்றம் 1.2 மொழிபெயர்ப்பு (ஆங்கிலம்) cheerfulness of countenance 1.3 விளக்கம் முகமலர்ச்சி - முக மலர்ச்சி 1.4 பயன்பாடு அம்மா வீட்டுக்கு வரும் விருந்தினர்களை முகமலர்ச்சியுடன் வரவேற்று உபசரித்தார். நான் துயர் மறப்பேன்: முகமலர்ச்சி கொள்வேன்: புன்முறுவல் பூப்பேன் - விவிலியம் கன்றுமுகங் கொண்டு கடுகடுத்துப் பார்ப்பதல்லால் என்று முகமலர்ச்சி யேற்றதிலை - திருவருட்பா 1.5 சொல்வளம் முகம், மலர்ச்சி, புன்முறுவல், மகிழ்ச்சி, முகவாட்டம் .

தினம் ஒரு சொல் பற்றி • பரண் • சொல் ஒன்றை முன்மொழிக

17

தொகு, புதுப்பி தினம் ஒரு சொல்   - ஏப்ரல் 17

furniture (பெ)

படுக்கை அறைகலன் 1.1 பொருள் அறைகலன் - அறையில் பயன்படுத்தப்படும் இருக்கை, நாற்காலி, மேசை, கட்டில், மெத்தை முதலிய சாமான்கள் 1.2 பயன்பாடு furniture showroom - அறைகலன் காட்சியகம் 1.3 சொல்வளம் அணிகலன், சமையற்கலன் .

தினம் ஒரு சொல் பற்றி • பரண் • சொல் ஒன்றை முன்மொழிக

18

தொகு, புதுப்பி தினம் ஒரு சொல்   - ஏப்ரல் 18

cookware (பெ)

குழம்புடன் இரு சமையற்கலன் 1.1 பொருள் சமையற்கலன் - சமையல் பாத்திரங்கள் மற்றும் உபகரணங்கள் 1.2 சொல்வளம் அணிகலன், அறைகலன் .

தினம் ஒரு சொல் பற்றி • பரண் • சொல் ஒன்றை முன்மொழிக

19

தொகு, புதுப்பி தினம் ஒரு சொல்   - ஏப்ரல் 19

கொல்லன் (பெ)

கருமான் 1.1 பொருள் (பெ) இரும்பைக் காய்ச்சி அடித்து பொருட்கள் செய்யும் தொழிலாளி; கருமான் 1.2 மொழிபெயர்ப்பு (ஆங்கிலம்) blacksmith 1.3 விளக்கம் கொல்லன் வேறு, கொல்பவர் (கொலையாளி) வேறு. 1.4 பயன்பாடு கொல்லன் பட்டறையில் ஈக்கு என்ன வேலை? -பழமொழி இந்த வாளை நான் அடிக்கடி கொல்லன் உலைக்கு அனுப்பித் துரு நீக்கிப் பதப்படுத்திக் கூராக்கி வைத்துக் கொண்டு வருகிறேன் - பொன்னியின் செல்வன், கல்கி கொல்லன் உலைபோலக் கொதிக்குதடி என்வயிறு - அழுகணிச் சித்தர் பாடல் 1.5 சொல்வளம் தட்டான், பொற்கொல்லன், கலாதன், கருமான், கன்னான், கன்னம், தச்சன், கம்மாளன் .

தினம் ஒரு சொல் பற்றி • பரண் • சொல் ஒன்றை முன்மொழிக

20

தொகு, புதுப்பி தினம் ஒரு சொல்   - ஏப்ரல் 20

சாம்பிராணி (பெ)

காசியில் சாம்பிராணி தூபம் காட்டும் ஒருவர் 1.1 பொருள் (பெ) நெருப்புக் கனலில் இட்டால் நறுமணப் புகை எழுப்பும் சிறு தூபக் கட்டிகள் 1.2 மொழிபெயர்ப்பு (ஆங்கிலம்) incense, frankincense, fragrant smoke of frankincense; gumbenzoin; olibanum 1.3 விளக்கம் சாம்பிராணிக் கட்டிகள் பென்ஜைய்ன் மரப் (benzoin tree) பிசினிலிருந்து தயாரிக்கப்படுகின்றன. 1.4 பயன்பாடு சாம்பிராணி தூபம் காட்டு, சாம்பிராணி போடு - burn or offer incense முருகனின் விக்ரகம் அல்லது படத்தினை வைத்து, தீபம் ஒன்றினை ஏற்றுங்கள். ஊதுபத்தி, சாம்பிராணி போன்றவற்றை புகையச் செய்து நறுமணம் கமழச் செய்யுங்கள். (கந்த சஷ்டி விரதம் இருப்பது எப்படி?) கோயிலை நெருங்கும்போது ஊதுவத்தி, சாம்பிராணி, சந்தனத்தோடு பூமாலைகளின் வாசம் வந்து கொண்டிருந்தது. (மஞ்சுவிரட்டு, காமராஜ், கீற்று) 1.5 சொல்வளம் தூபம், கற்பூரம், ஊதுபத்தி, குந்தலிங்கம், கற்புரை, கந்தரசு, மடசாம்பிராணி .

தினம் ஒரு சொல் பற்றி • பரண் • சொல் ஒன்றை முன்மொழிக

21

தொகு, புதுப்பி தினம் ஒரு சொல்   - ஏப்ரல் 21

யன்னல் (பெ)

யன்னல் 1.1 பொருள் (பெ) சன்னல் 1.2 மொழிபெயர்ப்பு (ஆங்கிலம்) window 1.3 விளக்கம் இலங்கை வழக்கு 1.4 பயன்பாடு இருட்டிலே சிட்டுக்குருவி ஒன்று பறந்து வழிதவறி யன்னல் வழியாக ஒளிமயமான விருந்து மண்டபத்துக்குள் நுழைந்துவிடுகிறது. சிறிது நேரம் அங்குமிங்கும் பறந்து தத்தளித்து இன்னொரு யன்னல் வழியாக வெளியேறுகிறது. (ஆயுளைக் கூட்டுவது, அ.முத்துலிங்கம்) 1.5 சொல்வளம் சன்னல், சாளரம், காலதர், கதவு .

தினம் ஒரு சொல் பற்றி • பரண் • சொல் ஒன்றை முன்மொழிக

22

தொகு, புதுப்பி தினம் ஒரு சொல்   - ஏப்ரல் 22

needle in a haystack (பெ)

கண்டுபிடிக்க இயலாத ஒன்று 1.1 பொருள் தேடிக் கண்டுபிடிக்கக் கடினமான/இயலாத ஒன்று 1.2 பொருள் வைக்கோல் போரில் ஊசியைத் தேடிக் கண்டுபிடித்தல் கடினமானது என்ற பொருளில் வரும் சொற்றொடர். 1.3 பயன்பாடு You'll never find the paper you need on her desk. You're looking for a needle in a haystack - அவளது மேசையில் உனக்குத் தேவையான ஒரு தாளை தேடி எடுப்பது கடினம். அது வைக்கோல் போரில் ஊசியைத் தேடுவதுபோல. 1.4 சொல்வளம் needle, haystack .

தினம் ஒரு சொல் பற்றி • பரண் • சொல் ஒன்றை முன்மொழிக

23

தொகு, புதுப்பி தினம் ஒரு சொல்   - ஏப்ரல் 23

ஓடுபாதை (பெ)

ஓடுபாதையில் விமானம் 1.1 பொருள் (பெ) விமானம் ஓடி மேலெழுந்து பறக்கவும், பறந்து முடிந்தபின் கீழிறங்கி ஓடி நிற்கவும் தேவைப்படும் நீண்ட பாதை 1.2 மொழிபெயர்ப்பு (ஆங்கிலம்) runway in an airport 1.3 விளக்கம் ஓடுபாதை - ஓடு பாதை 1.4 பயன்பாடு கடும் பனிமூட்டத்தில் ஓடுபாதை தெரியாததால், விமானங்கள் தரையிறங்காமல் திருப்பி அனுப்பப்பட்டன. 1.5 சொல்வளம் பாதை, ஓடுதளம், விமானம், விமான நிலையம், வானூர்தி .

தினம் ஒரு சொல் பற்றி • பரண் • சொல் ஒன்றை முன்மொழிக

24

தொகு, புதுப்பி தினம் ஒரு சொல்   - ஏப்ரல் 24

வெந்நீர் (பெ)

கொதிக்கும் வெந்நீர் 1.1 பொருள் (பெ) சூடான நீர்; சுடுநீர் 1.2 மொழிபெயர்ப்பு (ஆங்கிலம்) hot water 1.3 விளக்கம் வெந்நீர் - வெம்மை நீர் 1.4 பயன்பாடு வெந்நீர்க் குளியல் - hot-water bath வேருக்கு வெந்நீர் ஊற்றினாற் போல - சொலவடை பாய்பவோ வெந்நீரும் ஆடாதார் தீ (பழமொழி நானூறு) 1.5 சொல்வளம் வெம்மை, நீர், தண்ணீர் .

தினம் ஒரு சொல் பற்றி • பரண் • சொல் ஒன்றை முன்மொழிக

25

தொகு, புதுப்பி தினம் ஒரு சொல்   - ஏப்ரல் 25

மீனவன் (பெ)

வங்கதேச மீனவர்கள் 1.1 பொருள் (பெ) மீன் பிடிப்பவன் 1.2 மொழிபெயர்ப்பு fisherman (ஆங்கிலம்) pescador எசுப்பானியம் 1.3 பயன்பாடு மீனவர்கள் - fishermen தமிழக மீனவர்களை இலங்கை தொடர்ந்து தாக்கிவருகிறது. நீரலை மேடையில் மீனவன் நாடகம் நடிப்பதும் ஏனோ? (திரைப்பாடல்) மைம்முகில் வண்ணத்து வானவன் மீனவன் (மூவருலா, மதுரைத்திட்டம்) 1.4 சொல்வளம் செம்படவன், மீன், வலை, தூண்டில், படகோட்டி, பாண்டியன், காமன் .

தினம் ஒரு சொல் பற்றி • பரண் • சொல் ஒன்றை முன்மொழிக

26

தொகு, புதுப்பி தினம் ஒரு சொல்   - ஏப்ரல் 26

மன்மதன் (பெ)

மன்மதன் - ஒரு சித்தரிப்பு 1.1 பொருள் (பெ) காமன்; காதல் கடவுள்; ஆண், பெண் இடையே காதலை ஏற்படுத்துபவனாகக் கருதப்படும் கடவுள் பேரழகன் 1.2 மொழிபெயர்ப்பு god of love; Cupid very handsome person 1.3 பயன்பாடு வஞ்சி அவள் உன்னை எண்ணவில்லை என்றும் உனக்கேன் ஆசை மன்மதன் போலே (திரைப்பாடல்) 1.4 சொல்வளம் காமம்,வேள்,மன்மதம், காதல், ரதி, மாரன், மதன் .

தினம் ஒரு சொல் பற்றி • பரண் • சொல் ஒன்றை முன்மொழிக

காமுண்டி விழா

27

தொகு, புதுப்பி தினம் ஒரு சொல்   - ஏப்ரல் 27

photocopy (பெ)

நூலின் பக்கம் ஒளிநகல் எடுக்கப்படுகிறது 1.1 பொருள் ஒளிநகல் 1.2 பயன்பாடு ’நான் ஏன் என் தந்தையைப் போல் இருக்கிறேன்’ நூலை நண்பர் ஒருவரிடமிருந்து ஒளிநகல் எடுத்து வைத்திருக்கிறேன் (சுஜாதாவின் அறிவியல், ஜெயமோகன்) 1.3 சொல்வளம் fax, xerox, copy, photocopier, cellphone .

தினம் ஒரு சொல் பற்றி • பரண் • சொல் ஒன்றை முன்மொழிக

28

தொகு, புதுப்பி தினம் ஒரு சொல்   - ஏப்ரல் 28

shopping mall (பெ)

பல்கடை அங்காடி 1.1 பொருள் பல்கடை அங்காடி பேரங்காடி 1.2 பயன்பாடு திங்கட்கிழமை என்றால் அவர் தன் தாயாரைக் கூட்டிக்கொண்டு பல்கடை அங்காடிக்கு போவார். (காசு இல்லை, அ.முத்துலிங்கம்) 1.2 சொல்வளம் shop, grocery, mall .

தினம் ஒரு சொல் பற்றி • பரண் • சொல் ஒன்றை முன்மொழிக

29

தொகு, புதுப்பி தினம் ஒரு சொல்   - ஏப்ரல் 29

தோண்டி (பெ)

அடுக்கப்பட்டுள்ள தோண்டிகள் 1.1 பொருள் (பெ) களிமண் அல்லது உலோகத்தால் செய்யப்பட்ட ஒரு பாத்திரம் 1.2 மொழிபெயர்ப்பு a water pot made of clay or metal 1.3 பயன்பாடு நந்தவனத்தில் ஒரு ஆண்டி -அவன் நாலாறு மாதமாய் குயவனை வேண்டி கொண்டு வந்தா னொரு தோண்டி - அதை கூத்தாடிக் கூத்தாடிப் போட்டுடைத் தாண்டி (பாடல்) 1.4 சொல்வளம் குடம், பானை, கலம், கமண்டலம், பாத்திரம் .

தினம் ஒரு சொல் பற்றி • பரண் • சொல் ஒன்றை முன்மொழிக

30

தொகு, புதுப்பி தினம் ஒரு சொல்   - ஏப்ரல் 30

நந்தவனம் (பெ)

நந்தவனம் 1.1 பொருள் (பெ) பூந்தோட்டம் 1.2 மொழிபெயர்ப்பு flower garden ஆங்கிலம் 1.3 பயன்பாடு நந்தவனத்திலிருந்த மரங்களும் செடிகளும் பல வர்ணப் புஷ்பங்களுடன் குலுங்கின. அந்த நந்தவனத்தில் குயில்கள் பாடின; மயில்கள் ஆடின; மான்கள் துள்ளி ஓடின; கிளிகள் மழலை பேசின; புறாக்கள் கொஞ்சி முத்தமிட்டன; சந்தன மரங்களின் சுகந்தத்துடன் மந்தமாருதம் வீசியது (அலை ஓசை, கல்கி) நந்தவனத்தில் ஒரு ஆண்டி, அவன் நாலாறு மாதமாய் குயவனை வேண்டி.. (பாடல்) 1.4 சொல்வளம் பூங்கா, சோலை, பூஞ்சோலை, பிருந்தாவனம் .

தினம் ஒரு சொல் பற்றி • பரண் • சொல் ஒன்றை முன்மொழிக